ခရစ္စမတ်ပြီး နောက်တစ်နေ့
ခရစ္စမတ်နေ့၏ ပျော်ရွင်မှုအားလုံးပြီးဆုံးသည့် နောက်တစ်နေ့သည် စိတ်ပျက်အားလျော့စရာကဲ့သို့ ခံစားခဲ့ရသည်။ တစ်ညလုံး မိတ်ဆွေများနှင့်အတူ ရှိနေခဲ့၍ ကောင်းစွာ မအိပ်ခဲ့ရပါ။ ပြီးနောက် ကျွန်ုပ်တို့အိမ်အပြန်လမ်းတွင် ကားပျက်သွားသည်။ ပြီးနောက် နှင်းများကျလာသည်။ ကားကိုထားခဲ့ပြီး အငှားယာဉ်နှင့် အိမ်ပြန်ခဲ့ရသည်။ ခွန်အားမရှိသကဲ့သို့ ခံစားရသည်။
ခရစ္စမတ်နေ့ပြီးသည့်နောက် အားလျော့သောစိတ်မျိုးကို ကျွန်ုပ်တို့သာခံစားရသူများမဟုတ်ပါ။ အစာအလွန်အကျွံစားသုံးခြင်းဖြစ်စေ၊ ရေဒီယိုမှ ခရစ္စမတ်သီချင်းများ ရုတ်တရက်ပျောက်ကွယ်သွားခြင်းဖြစ်စေ၊ (သို့) လွန်ခဲ့သည့်အပတ်က ဝယ်ယူခဲ့သော လက်ဆောင်ပစ္စည်းများကို ယခု တစ်ဝက်ဈေးနှင့် ရောင်းချပေးခြင်း စသည့်အရာများကြောင့် မှော်ဆန်သော ခရစ္စမတ်နေ့သည် မြန်မြန်ဆန်ဆန်ပင် လွင့်စင်ပပျောက်သွားသည်။
ယေရှုဖွားမြင်ပြီး နောက်တစ်နေ့အကြောင်းကို ကျမ်းစာက ဘာမှဖော်ပြထားခြင်းမရှိပါ။ သို့သော် ဗက်လင်မြို့သို့ ခြေလျင်ခရီးနှင်ပြီးနောက် တည်းခိုရန်နေရာကြိုးပမ်းရှာဖွေရ၊ မာရိ၏ မီးဖွားရာတွင်နာကျင်ရမှုနှင့်၊ သိုးထိန်းများကလည်း ဗြုန်းစားကြီး ရောက်ချလာခြင်း (လု ၂:၄-၁၈) စသည့်အကြောင်းများကြောင့် မာရိနှင့်ယောသပ်တို့ ပင်ပန်းနွမ်းနယ်နေကြမည်ကို ကျွန်ုပ်တို့မြင်ယောင်ကြည့်နိုင်ပါသည်။ မာရိသည် သူမ၏မွေးကင်းစကလေးကို…
ခရစ်စမတ်အကျဉ်းအကြပ်
ဒေးဗစ် နှင့် အန်ဂျီ တို့သည် တိုင်းတစ်ပါးသို့ပြောင်းရွှေ့ရန် နှိုးဆော်ခံရသည်ဟု ခံစားခဲ့ရပြီး အောင်မြင်နေသော သာသနာကြောင့် သွားရန် ပိုမိုခိုင်မာသေချာလာခဲ့သည်။ သို့သော်လည်း သူတို့ပြောင်းသွားပါက ဆိုးကျိုးတစ်ခု ရှိသည်။ ဒေးဗစ်၏သက်ကြွယ် မိဘများသည် ယခုအခါ ခရစ်စမတ်ကို သူတို့ချည်းသာ ဖြတ်သန်းရတော့မည်။
လက်ဆောင်များကို ကြိုတင်ပို့ခြင်း၊ ခရစ်စမတ်နေ့မနက်တွင် ဖုန်းခေါ်ခြင်းဖြင့် မိဘများ၏ ခရစ်စမတ်နေ့အထီးကျန်ဆန်မှုကို သက်သာစေရန် ဒေးဗစ်နှင့်အန်ဂျီတို့ကြိုးစားကြသည်။ သို့သော် သူ့မိဘများ အမှန်တကယ်လိုချင်သည်က သူတို့ကိုပါ။ ဒေးဗစ်၏လစာက အိမ်သို့ တစ်ခါတစ်လေသာ ပြန်ရန်သာလောက်ငှသည်ဖြစ်၍ သူတို့အခြားဘာလုပ်နိုင်မည်နည်း။ ဒေးဗစ် အတွက် ဉာဏ်ပညာ လိုအပ်ခဲ့သည်။
သုတ္တံကျမ်း ၃ သည် ဉာဏ်ပညာ၏ဂုဏ်သတ္တိများဖြစ်သော ကရုဏာတရားနှင့် သစ္စာတရား (:၃-၄၊ ၇-၁၂) နှင့်ဉာဏ်ပညာ၏အကျိုးကျေးဇူးများဖြစ်သော ငြိမ်ဝပ်ခြင်းနှင့် အသက်တာရှည်ခြင်းတို့ကို ဖော်ပြထားသည် (:၁၃-၁၈)။ ၎င်းသည် ဉာဏ်ပညာရှာဖွေခြင်းအတွက် အားစိုက်လေ့လာရသည့် သင်ခန်းစာဖြစ်ပြီး၊ ဘုရားသခင်ကို…
တောက်ပသောကြယ်ကလေးများ
ဤမြို့၌ ရောက်ရှိစဉ် ကျွန်တော်ပထမဆုံး သတိထားမိသည်မှာ လောင်းကစားဝိုင်းများဖြစ်သည်။ ဆေးခြောက်ဆိုင်များ၊ “အရွယ်ရောက်သူများ” လိင်အာသာဖြေပစ္စည်း အရောင်းဆိုင်နှင့် သူတစ်ပါးအားနည်းချက်အပေါ် အခွင့်ကောင်း ယူကာဖြေရှင်းပေးသည့် ရှေ့နေများ၏ကြော်ငြာဆိုင်းပုဒ်ကြီးများကိုလည်း တွေ့ရသည်။ ကျွန်တော်လည်ပတ်ခဲ့ဖူးသော ဒုစရိုက်မြို့ကြီးများနှင့်ယှဉ်လျှင် ဤမြို့သည် အဆင့်ပိုနိမ့်ပါသည်။
သို့သော် နောက်နေ့တွင် တက္ကစီသမားတစ်ဦး၏စကားကြောင့် ကျွန်တော်စိတ်လှုပ်ရှား ဝမ်းမြောက်ခဲ့ရပါသည်။ “ဘုရားရှင်ကူညီစေလိုတဲ့သူတွေကို ကျွန်တော့်ဆီပို့ပေးဖို့ ကျွန်တော် နေ့တိုင်း ဆုတောင်းတယ်။ လောင်းကစားစွဲနေသူတွေ၊ ပြည့်တန်ဆာတွေ၊ ပြိုကွဲတဲ့ အိမ်ထောင်က မိသားစုတွေ သူတို့ရဲ့ပြဿနာတွေကို ငိုယိုပြီးပြောပြတဲ့အခါ ကျွန်တော်ကားကိုရပ်ပြီး နားထောင်ပေးတယ်။ သူတို့အတွက် ဆုတောင်းပေးတယ်။ ဒါဟာ ကျွန်တော်ရဲ့အမှုတော်လုပ်ငန်းပါပဲ” ဟု သူက ပြောပါသည်။
အပြစ်၌ ကျဆုံးနေသည့်လောကသို့ သခင်ခရစ်တော်ကြွဆင်းလာခြင်းကိုဖော်ပြပြီးနောက် (ဖိ ၂:၅-၈)၊ တမန်တော်ကြီးရှင်ပေါလုက ခရစ်တော်ကို ယုံကြည်သူများအား နှိုးဆော်ချက်တစ်ရပ်ကို ပြောကြားခဲ့သည်။ ဘုရားသခင်၏အလိုတော်ကို လိုက်လျှောက်ခြင်း (:၁၃)၊ အသက်ရှင်ခြင်းနှင့်ဆိုင်သော နှုတ်ကပတ်တရားတော်ကို စွဲကိုင်ခြင်းဖြင့်…
လူတိုင်း ကိုးကွယ်သည်
မကြာမီက ဂရိပြည်၊ အေသင်မြို့သို့ ကျွန်တော် သွားလည်ခဲ့သည်။ ရှေးခေတ် ဒဿန ပညာရှင်များက သွန်သင်မှုပြုပြီး အေသင်မြိုသားတို့ ဝတ်ပြုခဲ့သည့် အဂိုရာ (Agora) အရပ်ရှိ ဈေးနေရာ၌ ကျွန်တော်လျှောက်သွားစဉ် တစ်ချိန်က နတ်ဘုရားမ အသီနာ (Athena) ရုပ်တု ရှိခဲ့ဖူးသည့် အခရိုပိုလစ် (Acropolis) ရဲတိုက်တွင် နတ်သား အပိုလို (Apollo)နှင့် နတ်မင်းကြီးဇု(စ်) (Zeus) တို့အတွက် ယဇ်ပလ္လင်များကို တွေ့ခဲ့သည်။
ယနေ့ခေတ်တွင် အပိုလို သို့မဟုတ် ဇု(စ်) အား ကျွန်တော်တို့ဝတ်မပြုတော့သော်လည်း လူ့အသိုင်းအဝိုင်း၏ ကိုးကွယ်လိုစိတ်က လျော့မသွားပါ။ ဝတ္ထုရေးဆရာ David Foster Wallace (ဒေးဗစ် ဖော်စတာ ဝေါလေ့စ်)က “လူတိုင်းဟာ ကိုးကွယ်ကြတာပါပဲ။ သင်က ငွေနဲ့ရုပ်ပစ္စည်းတွေကို ကိုးကွယ်နေရင် အဲဒါတွေကို အမြဲလိုနေပြီး လုံလောက်တယ်လို့ သင်မခံစားရတော့ဘူး။ ခန္ဓာကိုယ်နဲ့ အလှတရားကို…
စမတ်ဖုန်းကရုဏာ
မှာထားသည့် အစားအသောက် ပို့လာရန် နောက်ကျနေသလား။ ဖုန်းဖြင့် အစာပို့သူအား ကြယ်တစ်လုံးအဆင့် သတ်မှတ်လိုက်၍ရသည်။ ဆိုင်ရှင်က မချေမငံ ဆက်ဆံ နေသလား။ သူမနှင့်ပက်သက်၍ ဝေဖန်စာ ရေးနိုင်သည်။ စမတ်ဖုန်းများသည် ကျွန်ုပ်တို့ ဈေးဝယ်ထွက်နိုင်ရန်၊ သူငယ်ချင်းများနှင့် အဆက်အသွယ်ရှိနေရန် ကူညီပေး သည်သာမက ကျွန်ုပ်တို့ တစ်ဦးကိုတစ်ဦး လူသိရှင်ကြား အဆင့်သတ်မှတ်နိုင်သည့် အာဏာကိုပါ ပေးထားသည်။ ထိုအရာသည် ပြဿနာဖြစ်လာနိုင်ပါသည်။
ထိုသို့ တစ်ဦးနှင့်တစ်ဦး အဆင့်သတ်မှတ်ခြင်းက အခြေအမြစ်မရှိသော ဝေဖန် ဆုံးဖြတ်မှုများ ဖြစ်လာနိုင်ခြင်းကြောင့် ပြဿနာဖြစ်သည်။ အစားအသောက် ပို့သူက သူထိန်းချုပ်၍မရသည့် အခြေအနေကြောင့် နောက်ကျခဲ့၍ ကြယ်တစ်ပွင့်သာ ရခဲ့သည်။ ဆိုင်ရှင်သည် ကလေးနေမကောင်းသဖြင့် တစ်ညလုံးစောင့်ကြည့်ခဲ့ရ၍ မကောင်းသည့်ဝေဖန်စာကို ရခဲ့သည်။ ဤကဲ့သို့ အခြားသူများအပေါ် မတရား သဖြင့် အဆင့်သတ်မှတ်ခြင်းကို ကျွန်ုပ်တို့ မည်သို့ ရှောင်ရှားနိုင်မည်နည်း။
ဘုရားရှင်၏သဘောလက္ခဏာများကို အတုယူခြင်းဖြင့်…
ဧည့်သည်ကို ကြိုဆိုခြင်း
ထောင်နှင့်ချီသော စစ်ရှောင် ယူကရိန်းအမျိုးသမီးများနှင့် ကလေးများ ဘာလင်မီးရထားဘူတာသို့ ရောက်ရှိလာချိန်တွင် ဂျာမန်မိသားစုများက သူတို့၏နေအိမ်များတွင် ခိုလှုံရန် ကမ်းလှမ်းချက် လက်လုပ်ဆိုင်းဘုတ်များ ကိုင်ဆောင်ထားသည်ကို အံ့အားသင့်ဖွယ်မြင်တွေ့ခဲ့ကြသည်။ ဆိုင်းဘုတ်များတွင် “လူနှစ်ယောက် လက်ခံလို့ရတယ်”၊ “အခန်းကြီးကြီးရှိတယ်” စသည်ဖြင့် ရေးထားသည်။ သူစိမ်းများကို အဘယ့်ကြောင့် ဤသို့ ဧည့်ဝတ်ပြုရသနည်းဟု အမျိုးသမီးတစ်ဦးကိုမေးရာ နာဇီများရန်မှ ထွက်ပြေးစဉ်တွင် သူ၏မိခင်သည် ခိုလှုံရန်နေရာလိုအပ်ခဲ့သကဲ့သို့ ယခုကဲ့သို့ အချိန်တွင်လည်း အခြားလိုအပ်နေသူများကို ကူညီလို၍ဖြစ်ကြောင်း ပြောသည်။
တရားဟောရာကျမ်းတွင် မိမိတို့၏ဇာတိမြေနှင့် ဝေးကွာနေသူတို့အား ပြုစုစောင့်ရှောက်ရန် ဣသရေလလူမျိုးတို့အား ဘုရားသခင်မိန့်ကြားခဲ့သည်။ အကြောင်းမူကား၊ ဘုရားသခင်သည် မိဘမရှိသောသူငယ်၊ မုဆိုးမနှင့် ဧည့်သည်အာဂန္တုတို့ကို ကြည့်ရှုစောင့်ရှောက်သူ ဖြစ်သောကြောင့်တည်း (၁၀:၁၈)။ ထို့ပြင်ဣသရေလလူမျိုးတို့သည် ထိုသို့သော အားငယ်ဖွယ်အဖြစ်ကို ကြုံဖူးကြသည်။ “သင်တို့သည် အဲဂုတ္တုပြည်၌ ဧည့်သည်ဖြစ်ကြဖူးပြီ” (၁၀:၁၉)။ ကိုယ်ချင်းစာ တရားသည် ၎င်းတို့၏ ကူညီဖေးမမှု ဖြစ်ပေါ်လာစေရန်…
မည်သည့်ပညာကို ဆည်းပူးမည်နည်း
၂၀၁၈ ခုနှစ် အီစတာနေ့မတိုင်မီလေးတွင် အကြမ်းဖက်သမားတစ်ဦးသည် စျေးထဲတွင် လူနှစ်ဦးကို သတ်ပစ်ခဲ့ပြီး၊ အမျိုးသမီးတစ်ဦးကို ဓားစာခံအဖြစ်ဖမ်းသွားသည်။ အမျိုးသမီးကို ပြန်လွှတ်ပေးရန် ကြိုးပမ်းမှု မအောင်မြင်သောအခါ ရဲတစ်ဦးက ထိုအမျိုးသမီးအစား သူ့ကိုခေါ်သွားရန် အကြမ်းဖက်သမားကို ကမ်းလှမ်းခဲ့သည်။
ထိုကမ်းလှမ်းမှုသည် လူများတွေးထင်နေကြ ဉာဏ်ပညာနှင့် ဆန့်ကျင်နေသောကြောင့် အံ့ဩစရာဖြစ်ခဲ့သည်။ လူမှုကွန်ယက်မီဒီယာတွင် တင်ထားသော လူတို့အမွမ်းတင်သည့် နာမည်ကြီး ကိုးကားချက် အဆိုများ၊ စကားများကို ကြည့်ခြင်းဖြင့် ခေတ်ယဉ်ကျေးမှုတစ်ခု၏ “အသိပညာ”ကို အမြဲပြောနိုင်သည်။ လူကြိုက်များသော ကိုးကားချက်တစ်ခုမှာ “ဘဝရဲ့အကြီးမားဆုံးစွန့်စားမှုက ကိုယ့်အိပ်မက်အတိုင်း ရှင်သန်နေထိုင်ခြင်းပါပဲ” ပင်ဖြစ်သည်။ တစ်ဖန် “ကိုယ့်ကိုယ်ကို အရင်ချစ်၊ ပြီးရင် တခြားအရာအားလုံးက အဆင်ပြေသွားလိမ့်မယ်”၊ “မင်းအတွက် မင်းလုပ်စရာရှိတာကို လုပ်ပါ” စသည်ဖြင့် ဆိုကြပြန်သည်။ ရဲအရာရှိသည် ထိုအကြံဉာဏ်များကို လိုက်နာခဲ့လျှင် သူ့အကျိုးကိုသာ ရှေ့တန်းတင်ပြီး ထွက်ပြေးသွားလိမ့်မည်။
တမန်တော်ရှင်ယာကုပ်က ကမ္ဘာပေါ်တွင် “ဇာတိပကတိပညာ”…
ခရစ်တော်၌ မတူညီခြားနားခြင်း
စီးပွားရေး သရုပ်ခွဲလေ့လာသူ Francis Evans (ဖရန်စစ်အဲဗန်စ်)သည် တစ်ချိန်က အာမခံပေါ်လစီရောင်းသူ (၁၂၅) ယောက်၏ အောင်မြင်မှုသော့ချက်ကို လေ့လာခဲ့ရာ၊ အံ့ဩစရာမှာ သူတို့၏ကျွမ်းကျင်မှုအရည်အချင်းက အဓိက မဟုတ်ဘဲ၊ သူတို့၏ဖောက်သည်များသည် နိုင်ငံရေး၊ ပညာရေးနယ်ပယ်များတွင် သူတို့စိတ်ဝင်စားသည့်ကဏ္ဍများ တူညီသူ၊ အရပ်အမောင်း မတိမ်းမယိမ်းတူညီသူ အရောင်းသမားများထံမှ ဝယ်ယူမှု ပိုများသည်ကို အဲဗန်စ် တွေ့ရှိခဲ့သည်။ ၎င်းကို ပညာရှင်များက ‘homophily’ (ဟိုမားဖီလီ) - မိမိနှင့်စိတ်တူကိုယ်တူဖြစ်သူများကို လိုလားခြင်း ဟုခေါ်ဆိုကြသည်။
အခြားသော ဘဝကဏ္ဍများတွင်လည်း ဟိုမားဖီလီများ ရှိနေပြီး၊ အသွင်တူသူ အချင်းချင်းသာ လက်ထပ်ခြင်း၊ မိတ်ဖွဲ့လိုခြင်း စသည်ဖြင့် တွေ့ရသည်။ ၎င်းသည် သဘာဝဖြစ်သော်လည်း သတိမချပ်ပါက ပျက်စီးခြင်းသို့ ရောက်သွားနိုင်သည်။ “မိမိနှင့်တူသောပုံစံ”ကိုသာ လိုလားမည်ဆိုလျှင်၊ လူ့အဖွဲ့အစည်းသည် လူမျိုးရေး၊ နိုင်ငံရေးနှင့် စီးပွားရေးအက်ကြောင်းများအတိုင်း အက်ကွဲသွားနိုင်သည်။
ပထမရာစုတွင် ဂျူးလူမျိုးအချင်းချင်း၊ ဂရိလူမျိုးအချင်းချင်းသာ…
သင်္ဘောကုန်းပတ်အောက်ထပ်တွင် ရှိသူများ
ကျွန်တော့်သူငယ်ချင်းသည် ဖွံ့ဖြိုးဆဲနိုင်ငံများအား အခမဲ့ ကျန်းမာရေးဝန်ဆောင်မှုပေးသည့် ‘Africa Mercy’ (အာဖရိက ကရုဏာ) အမည်ရှိ သင်္ဘောဆေးရုံပေါ်တွင် အလုပ်လုပ်သည်။ ရာနှင့်ချီသောလူနာများစွာကို ဝန်ထမ်းများက နေ့စဉ်ဆေးကုသပေးရသည်။ သို့မဟုတ်ပါက သူတို့အနာသက်သာမည် မဟုတ်ပေ။
အခါအားလျော်စွာ တီဗွီရိုက်ကူးရေးအဖွဲ့များသည် သင်္ဘောပေါ်သို့ တက်လာကာ အာခေါင်ကွဲလူနာ၊ ခြေပြားခွင်သော လူနာများကို အံ့သြဖွယ်ကုသပေးနေသော ဝန်ထမ်းများအား ကင်မရာများချိန်၍ ရိုက်ကူးလေ့ရှိသည်။ တစ်ခါတစ်ရံ သူတို့သည် ကုန်းပတ်အောက်ထပ်ရှိ အခြားသောဝန်ထမ်းများကို တွေ့ဆုံမေးမြန်းတတ်သော်လည်း Mick (မစ်ခ်) လုပ်နေရသောအလုပ်ကို သတိမထားမိကြပေ။
မစ်ခ် သည် အင်ဂျင်နီယာတစ်ယောက်ဖြစ်ပြီး သူအား အလုပ်ခန့်သည့်နေ့က သင်္ဘော၏ အညစ်အကြေးများစွန့်ပစ်ရာ မိလ္လာဌာန၌ တာဝန်ချသည့်အတွက် သူအလွန်အံ့သြမိသည်။ နေ့စဉ် အဆိပ်အတောက် အညစ်အကြေး လီတာ (၄၀,၀၀၀) ခန့်ကို ရှင်းထုတ်ပေးရသောအလုပ်သည် အလွန်အရေးကြီးသောအလုပ်ဖြစ်သည်။ မစ်ခ် သာ ထိုပိုက်များ၊ ပန့်စုပ်စက်များကို ဂရုမစိုက်ပါက…
ရေမျောကမ်းတင် ယုံကြည်ခြင်း
၁၉၆၅ ခုနှစ်၊ ဇွန်လတွင် သမုဒ္ဒရာအတွင်း ပျံ့ကြဲနေသော ကျွန်းများဖြင့် ဖွဲ့စည်းထားသည့် Polynesia (ပိုလီနီးစီးယား) နိုင်ငံတစ်ခုဖြစ်သော Tonga (တုန်ဂါ) ကျွန်းမှ Tongan (တုန်ဂန်) လူငယ် (၆) ယောက်သည် စူးစမ်း စွန့်စားလျက် သူတို့နေထိုင်ရာကျွန်းမှ ထွက်ခွာလာခဲ့သည်။ သို့သော် ပထမညတွင်ပင် လေမုန်တိုင်းဒဏ်ကြောင့် သူတို့လှေ၏ ရွက်တိုင်နှင့်တက်မ ကျိုးသွားကာ အစားအစာနှင့်သောက်ရေ ပြတ်လပ်ပြီး လူမနေသော ‘Ata (အာတာ) ကျွန်းသို့ မရောက်မီ ရက်ပေါင်းများစွာ ရေထဲတွင် မျောနေသည်။ (၁၅) လကြာပြီးမှ သူတို့ကို ရှာတွေ့ခဲ့သည်။
လူငယ်လေးများသည် အာတာကျွန်းပေါ်တွင် ဆက်လက်အသက်ရှင်နိုင်ရန် စိုက်ပျိုးရေးခြံလေးတစ်ခုဖန်တီး၍ သစ်လုံးထွင်းပြီး မိုးရေသိုလှောင်ခဲ့ကြသည်။ ယာယီ အားကစားလေ့ကျင့်ရုံတစ်ခုကိုပင် ဆောက်လုပ်ခဲ့ကြသည်။ လူငယ်တစ်ဦး ချောက်ကမ်းပါးမှ လိမ့်ကျပြီး ခြေကျိုးသွားရာ၊ သူ့သူငယ်ချင်းများက သစ်ချောင်း၊ သစ်ရွက်များဖြင့် ဆေးကုပေးခဲ့ကြသည်။ အငြင်းပွားမှုများ…